Milli Təhlükəsizlik orqanları Heydər Əliyevin anadan olmasının 88-ci ildönümünü qeyd edib - FOTO

Lent.az-ın məlumatına görə, Akademik Zərifə Əliyevanın da məzarı ziyarət edilib. Daha sonra MTN-in Heydər Əliyev adına Akademiyasında təntənəli mərasim keçirilib.
Eldar Mahmudov bildirib ki, H.Əliyevin həyatı və fəaliyyəti öz xalqının taleyi ilə sıx bağlı olub: “Ulu öndər inamla deyirdi: “Azərbaycan dünyaya günəş kimi doğacaq”. Biz də qürurla deyirik ki, Heydər Əliyev özü Azərbaycan tarixinə günəş kimi daxil olub”.

E.Mahmudov çıxışında H.Əliyevin fəaliyyətinə toxunaraq, onun gördüyü işlərdən bəhs edib. Bildirilib ki, H.Əliyev təhlükəsizlik orqanlarında 25 ildən artıq müddətdə fəaliyyət göstərib, onun səyləri ilə xüsusi xidmət sahəsində bütöv bir peşəkar nəsil formalaşıb.
Çıxışlar bitdikdən sonra kursantlar təntənəli marşla tribunanın önündən keçiblər.

Mərasim akademiyanın akt zalında Heydər Əliyevin anadan olmasının 88-ci ildönümünə həsr edilmiş elmi-praktik konfransla davam etdirilib.

Akademiyanın rəisi Ziya Yusifzadə çıxışında “bizim hər birimizə azərbaycanlı olmağımızla fəxr etməyi məhz Heydər Əliyev öyrədib” deyib: “Onun uğurlu siyasəti nəticəsində Azərbaycan gündən-günə qüdrətlənir və beynəlxalq aləmdə nüfuz sahibi olan bir dövlətə çevrilib”.