“İki sahil”in Heydər Əliyevə həsr edilmiş xüsusi buraxılışı işıq üzü görüb - FOTO

Lent.az-ın verdiyi məlumata görə, 84 səhifəlik xüsusi buraxılış Heydər Əliyevin rəhbərliyi ilə Azərbaycanın müxtəlif sahələr üzrə qazandığı uğurları əks etdirən maraqlı yazıları, rəngli şəkilləri və yüksək poliqrafik tərtibatı ilə diqqəti cəlb edir.

Xüsusi buraxılışda Heydər Əliyevin həyat və fəaliyyətinin ayrı-ayrı məqamları, siyasi fəaliyyəti, hakimiyyətdə olduğu illər, Azərbaycanın dövlət müstəqilliyinin bərpası, qorunması və möhkəmləndirilməsi istiqamətində gördüyü işlər, bu uğurların davamlığını təmin etmək üçün 2003-cü il prezident seçkilərində öz namizədliyini geri götürərək xalqa müraciəti, sonrakı dövrlərdə bu etimadın real işlərdə öz əksini tapması xüsusi qeyd edilir.

“İki sahil” qəzetinin baş redaktoru, əməkdar jurnalist Vüqar Rəhimzadə “Uğurlu gələcəyə böyük inamla” yazısında Heydər Əliyev siyasi kursunu uğurla davam etdirən Prezident İlham Əliyevin rəhbərliyi altında görülən işlər bir daha oxuculara çatdırılır. Yazıda vurğulanır ki, Azərbaycan xalqı verilən hər bir vədin konkret əməli işdə təsdiqini tapdığının şahidinə çevrilməklə həyata keçirilən siyasətə dəstək olur, dövlət başçısının ətrafında sıx birləşərək, gələcəyə böyük inamla irəliləyir.

Xüsusi buraxılışın son səhifəsindən Heydər Əliyevin “Müstəqil Azərbaycanın böyük gələcəyi var. Mən bu gələcəyə inanıram” fikri əksini tapıb.