Jurnalistlər arasında paraşütdən tullanma yarışı keçiriləcək

Azərbaycanda jurnalistlər arasında paraşütdən tullanma yarışı keçiriləcək. Bu barədə Lent.az-a Könüllü Hərbə Vətənpərvərlik Texniki İdman Cəmiyyəti (KHVTİC) Respublika Şurasının sədri general-mayor Novruzəli Orucov bildirib. Bir neçə ay əvvəl Azərbaycanda fəaliyyət göstərən iki telekanalın əməkdaşlarının Balakəndəki aviabazada paraşütdən tullandığını bildirən N.Orucov bunu müxtəlif jurnalistlərin iştirakı ilə yarış formasında keçirmək istədiklərini deyib: “Bizim fikrimiz var ki, jurnalistlər arasında paraşüt yarışı keçirək. Hələlik lazım qədər jurnalist yığılmayıb, 10-15 nəfər şəxs var. Sayları 50 nəfər olanda biz bu yarışı keçirəcəyik”.

N.Orucov həmçinin qeyd edib ki, yarışda iştirak etmək üçün hər bir jurnalist müraciət edə bilər.

Nizam RZA