Azərbaycana COVID-in müalicəsi üçün YENİ DƏRMAMLAR gətirilir

"Yaxın müddətdə Səhiyyə Nazirliyi koronavirusun müalicəsində istifadə olunan yeni dərman vasitələrinin Azərbaycana gətirilməsi üçün yerli dərman idxalçılarına dəstək göstərəcək".

Lent.az xəbər verir ki, bu barədə Səhiyyə Nazirliyindən APA-nın sorğusuna cavab olaraq bildirilib.

Qeyd edilib ki, COVID-19 xəstələrinin müalicəsində ağırlaşma riskini əhəmiyyətli dərəcədə azaldan yeni dərman vasitələrinin sadələşdirilmiş və sürətli dövlət qeydiyyatının təmin edilməsi üçün yerli dərman bazarının aparıcı idxalçı şirkətləri ilə əlaqə saxlanılıb.

“Sözügedən dərman vasitələrinin sürətləndirilmiş qaydada idxalı üçün tələb olunan sənədlərin təqdim ediləcəyi ən yaxın müddətdə tərəfimizdən lazımi dəstək göstəriləcək”, – vurğulanıb.