Koronavirusa yoluxanların və ölənlərin sayı AÇIQLANDI

Azərbaycanda koronavirus (COVID-19) infeksiyasına 16 yeni yoluxma faktı qeydə alınıb, 47 nəfər müalicə olunaraq sağalıb.

Nazirlər Kabineti yanında Operativ Qərargahdan Lent.az-a verilən xəbərə görə, COVID-19 üçün götürülən analiz nümunələri müsbət çıxmış 3 nəfər vəfat edib.

Azərbaycanda indiyədək ümumilikdə 791 766 nəfər koronavirus infeksiyasına yoluxub. Onlardan 781 788 nəfər müalicə olunaraq sağalıb, 9684 nəfər vəfat edib, aktiv xəstə sayı 294 nəfərdir.

Ölkədə son sutka ərzində 2 285, hazırkı dövrədək isə 6 687 581 test aparılıb.