Xarici ölkələrin baş prokurorları Fəxri Xiyabanı və Şəhidlər Xiyabanını ziyarət edib
15 sentyabr 2023 10:40 (UTC +04:00)

Xarici ölkələrin baş prokurorları Fəxri Xiyabanı və Şəhidlər Xiyabanını ziyarət edib

Müstəqil Dövlətlər Birliyi (MDB) İştirakçı Dövlətlərinin Baş Prokurorlarının Əlaqələndirmə Şurasının 33-cü və İqtisadi Əməkdaşlıq Təşkilatına üzv dövlətlərin Baş prokurorlarının 4-cü iclasında iştirak etmək üçün Bakıda səfərdə olan ölkələrin Baş prokurorları, nümayəndə heyətlərinin rəhbərləri, beynəlxalq təşkilatların məsul əməkdaşları Fəxri Xiyabana gələrək Heydər Əliyevin xatirəsini ehtiramla yad edib, eləcə də oftalmoloq alim, akademik Zərifə xanım Əliyevanın məzarını ziyarət ediblər.

Baş Prokurorluqdan Lent.az-a verilən xəbərə görə, daha sonra qonaqlar Şəhidlər Xiyabanını ziyarət edərək Azərbaycanın müstəqilliyi və ərazi bütövlüyü uğrunda mübarizədə canlarından keçmiş Vətən övladlarının xatirəsini anıb, “Əbədi Məşəl” abidəsinin önünə əklil qoymuşlar.

Bundan sonra Baş prokurorlar Mərkəzi Park ərazisində xatirə ağaclarının əkilməsi mərasiminə qatılıblar.

1 2 3 4 5 İDMAN XƏBƏRLƏRİ
# 2688
avatar

Oxşar yazılar