4591 qanunvericilik pozuntusu aşkarlandı

Vergilər Nazirliyi operativ nəzarət tədbirlərini davam etdirir. Lent. az-ın məlumatına görə, bu ilin fevral ayı ərzində vergi orqanlarının apardıqları tədbirlər zamanı 4591 vergi ödəyicisində qanunvericiliyin pozulması faktları aşkar edilib. 2607 ödəyicinin nağd hesablaşmaların aparılması qaydalarına əməl etmədiyi, 598 ödəyicinin qanunla nəzərdə tutulmayan valyutanı ödəniş vasitəsi kimi işlətdiyi və s. bu kimi pozuntular aşkarlanıb.

1600 nəfər fiziki şəxsin əmək müqaviləsi bağlamadan işə cəlb edildiyi, fərqlənmə nişanı olmayan avtomobil nəqliyyatı ilə sərnişin daşındığı, 199 ədəd markalanmamış mal müəyyənləşdirilib.

Aşkar edilmiş faktlarla bağlı tədbirlər görülüb.