Azərbaycan “Oikos” beynəlxalq təşkilatına üzv oldu

Azərbaycan “Oikos” beynəlxalq təşkilatının İdarə Heyətinin səs çoxluğu ilə bu təşkilata üzv olub. Bu barədə mətbuata “Oikos” beynəlxalq təşkilatının Azərbaycan Nümayəndəliyinin prezidenti Kamal Cəfərov məlumat verib.

“Oikos-Azərbaycan” hazırda Bakıda qlobalizasiya və iqtisadi davamlılıq mövzusunda elmi konfrans keçirmək niyyətindədir. Bundan başqa, “Oikos” dəyərlərinin Azərbaycanda təbliği məqsədilə Bakıda ilk “Oikos” Yay Məktəbini keçirmək də fəaliyyət planınımıza daxildir” – deyə, Kamal Cəfərov əlavə edib.

Qeyd edək ki, “Oikos” davamlı iqtisadiyyat və idarəetmə sahəsində dünyada beynəlxalq tələbə təşkilatı olaraq davamlılığı və dəyişiklikləri təbliğ edənlərin aparıcı təşkilatdır. “Oikos” təşkilatı 1987-ci ildə İsveçrədə yerləşən Sent Qallen Universitetinin tələbələri tərəfindən təsis edilib. Lakin illər keçdikcə bu təşkilat iqtisadiyyat, idarəetmə və ətraf mühit sahəsində çalışan aparıcı beynəlxalq tələbə təşkilatına çevrilib.