Hesablama Palatası: rayonlarda yoxlamalar davam edir

Hesablama Palatasının növbəti kollegiya iclası keçirilib. Bu barədə Lent. az-a Palatadan məlumat verilib. Kollegiya iclasında dövlət büdcəsindən Biləsuvar Rayon İcra Hakimiyyətinə, Heydər Əliyev adına liseyə ayrılan vəsaitlərin proqnozlaşdırılması və icrasına dair auditlərin nəticələri üzrə rəy və hesabatlar müzakirə olunaraq təsdiq edilib. Nəticələr barədə məlumatların Milli Məclisə təqdim edilməsi qərara alınıb.

Kollegiya iclasında, həmçinin, Tərtər və Oğuz rayonlarında dövlət mülkiyyətində olan torpaqlardan istifadə vəziyyəti üzrə, habelə Sosial Müdafiə Fondunun Ağdaş rayon şöbəsinin gəlir və xərclərinin icrasına dair audit proqramları da təsdiqlənib.