İyulun 29-dan hava yenidən pisləşəcək

İyul ayının sonunadək Azərbaycan ərazisində mülayim və sərin hava şəraiti üstünlük təşkil edəcək.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin Lent.az-a verdiyi xəbərə görə, iyulun 27-28-də ölkə ərazisində temperatur nisbətən yüksələcək, lakin ayın 29-dan başlayaraq yenidən temperaturun aşağı düşəcəyi gözlənilir: “İyulun 28-28-da Bakıda şimal-qərb küləyi yenidən güclənəcək. Bölgələrdə də qərb küləyi əsəcək. Havanın temperaturu təxminən 3-4 dərəcə aşağı enəcək”.