Transferlərə 366 milyon avro xərcləyiblər: 5 oyunda cəmi 1 qol vurublar

Yay transfer pəncərəsi dövründə heyətinə 366 milyon avro sərmayə qoyan “Tottenhem”, zəif oyun seriyasını davam etdirir.

Lent.az-ın xəbərinə görə, İngiltərə komandası Premyer Liqanın ilk dörd oyununda qol vura bilməyib və “Liverpul”a 3-1 hesabı ilə məğlub olduqdan sonra Liqa Kubokundan kənarlaşdırılıb. Beləliklə, “Tottenhem” mövsümün ilk beş rəsmi oyununda cəmi bir qol vurub və qələbə qazana bilməyib.

Ötən mövsüm aşağı liqaya düşməkdən çətinliklə qaçan “Tottenhem”, bu mövsüm Premyer Liqanın ilk dörd oyununda qol vura bilməyib və cəmi iki xal toplayıb.

Onların zəif seriyası Liqa Kubokunda da davam edib və mövsümün ilk qolunu “Liverpul”a vurublar, lakin sonda 3-1 hesabı ilə məğlub olublar. Bu o deməkdir ki, “Tottenhem” ilk beş rəsmi oyununda cəmi bir qol vurub və bir oyun da qazana bilməyib.