Sevinc Vaqifqızı ilə "Ana xəbər" bloku – 16 Dekabr

GÜNÜN TƏQDİMATI

Ana, bacı, həyat yoldaşı... Bunlar bir qadının obrazında səslənən ən məhrəm, ən gözəl ifadələrdir. Bu sözlərdə xüsusi bir əzizlik, doğmalıq, incəlik duyulur. Xüsusən, kişilərin hər addımbaşı - evdə, məişətdə ehtiyacı olan bir insana müraciət formasıdır bu adlar.

"Qadın böyük qüvvədir" deyirlər. Bununla razılaşmayanlar əminəm ki, reportajımızdan sonra bu fikirlərindən daşınacaqlar. Çünki son günlər tez-tez eşitdiyimiz bir müraciət ifadəsi də var - xilasedici. Yəqin indi çoxunun gözü önünə idmançı bədən quruluşlu bir gənc gəldi. Qəhrəmanımız isə bu görüntünü dəyişəcək. O, həm anadır, həm həyat yoldaşı, həm də xilasedici...