Təhsil Nazirliyi yetkinlik yaşına çatmayan vətəndaşlara müraciət edib

Təhsil Nazirliyi ümumvətəndaş pasportu almaq istəyən yetkinlik yaşına çatmamış Azərbaycan vətəndaşlarına müraciət edib. Nazirlikdən Lent.az-a verilən məlumata görə, “Ölkədən getmək, ölkəyə gəlmək və pasportlar haqqında” Azərbaycan Respublikasının Qanununda dəyişikliklər edilməsi barədə” Azərbaycan Respublikasının 2012-ci il 12 iyun tarixli Qanununun tətbiqi haqqında prezidentin fərmanına əsasən, 2013-cü il 2 sentyabr tarixindən etibarən Təhsil Nazirliyi ümumvətəndaş pasportu alınması üçün vəsatət məktublarının verilməsini dayandırıb. Ümumvətəndaş pasportu almaq istəyən yetkinlik yaşına çatmamış hər bir vətəndaş bilavasitə Daxili İşlər Nazirliyinin Baş Pasport, Qeydiyyat və Miqrasiya İdarəsinə müraciət etməlidir.