Xarici dillər üzrə qəbul imtahanı necə keçiriləcək?

Ali təhsil müəssisələrinin magistratura səviyyəsinə xarici dillər üzrə qəbul imtahanı ilə əlaqədar elmi-metodiki seminar keçirilib. Bu barədə Lent. az-a Tələbə Qəbulu üzrə Dövlət Komissiyasından məlumat verilib. Seminarda müxtəlif ali təhsil müəssisələrini təmsil edən mütəxəssislər iştirak ediblər. Seminar iclasını giriş sözü ilə TQDK-nın Magistratura üzrə yoxlama-ölçmə materiallarının işlənməsi sektorunun müdiri M. Əkbərli açıb. Sonra seminar iştirakçılarına növbəti tədris ili üçün xarici dillər üzrə magistraturaya qəbul imtahanı üçün proqramların layihələri təqdim edilərək onların müzakirəsinə verilib. Seminar iştirakçılarından S. Nuriyeva, F. Hüseynova, S. Quliyeva, A. Hüseynov, A. Sadıqova və başqaları müzakirələrdə çıxış edərək proqramlarla əlaqədar fikir və təkliflərini bildiriblər. Növbəti seminarda proqramların müzakirəsi davam etdiriləcək.