Gecə qorxuları uşağın yuxusunu pozur?- Bunları edin mışıl-mışıl yatacaq

Uşağınız gecə qorxur, anasını çağırır və ya yatağa getməyə inadla etiraz edir? Bu vəziyyət bir çox valideynə tanışdır. Uşaqlarda tək yatmaq qorxusu xüsusilə məktəbəqədər və ibtidai sinif yaş dövründə çox yaygındır.

Lent.az bununla bağlı ətraflı məlumat verir:

Niyə uşaq qaranlıqdan və tək qalmaqdan bu qədər qorxur?
Uşaqların təxəyyülü çox güclüdür. Böyüklər üçün sadəcə kölgə olan bir şey, uşağın gözündə "canlı varlığa" çevrilə bilər. Evdəki səslər – döşəmənin cırıltısı, küləyin pəncərəyə dəyən səsi – gecə onlar üçün qorxunc ola bilər. Reallıq və xəyali şeyləri ayırd edə bilmirlər, ona görə qorxuları onlara çox real gəlir. Təhlükəsizlik hissi valideynlərlə bir yerdə olmağa bağlıdır. Tək qalanda separasiya (ayrılma) narahatlığı yaranır. Bəzən qorxular uşaq bağçasına başlamaq, ev dəyişmək, xəstəlik keçirmək, qorxulu cizgi filmi izləmək və ya eşitmək kimi hadisələrdən sonra yaranır.

Bu qorxu nə uydurmadır, nə də kapriz.
Bu, uşağın real hissidir və qorxduğu üçün utandırmaq, danlamaq problemi yalnız daha da dərinləşdirər. Əvəzində səbir, anlayış və dəstək vacibdir.

Uşaq necə öz yatağında sakitcə yata bilər?
1. Rahat və təkrarlanan yatmaq mərasimi yaradın
İlıq vanna

Şirin, sakit kitab oxuma

Yumşaq söhbət
Bu mərasim uşağa təhlükəsizlik və sabitlik hissi verəcək.

2. Otaqda rahatlıq təmin edin
Temperatur uyğun olsun

Pijaması narahat olmasın

Yumşaq işıqlı bir gecə lampası qaranlığı azaldıb yuxunu pozmadan sakitlik verə bilər.

3. "Qoruyucu dost" verin
Uşaqla birlikdə yatacaq sevimli yumşaq oyuncaq seçin. Deyin ki, bu oyuncaq da qorxur və indi onlar bir-birini qoruyacaq.

4. Qorxuları gündüz müzakirə edin
Rəsm çəkin, oyuncaqlarla səhnələr qurun

Uşaq qorxusunu ifadə etdikcə, bu hiss zəifləyir və idarəolunan olur

5. Yanında olun və tədricən ayrılın
Əvvəl onun yanında qalın, sonra getməzdən əvvəl "mən burdayam, çağırarsansa gələcəm" deyin. Vaxt keçdikcə tək yatmaq daha asan olacaq. Uşaq sizin sevginiz, sakitliyiniz və anlayışınızla özünü təhlükəsiz hiss edəcək və bir müddət sonra öz yatağında yatmağa can atacaq.