Bakı-Quba yolunda 9 maşın bir-birinə çırpıldı - VİDEO - YENİLƏNİB

Bakı-Quba yolunda baş verən qəza zamanı sürücü xəsarət alıb.

Lent.az-ın məlumatına görə, bu gün səhər saatlarında Bakı-Quba yolunda "İsuzu" və "Kamaz" markalı iki yük avtomobili bir-birinə çırpılıb. Nəticədə "İsuzu"nun sürücüsü 36 yaşlı Ağayev Elnur Eldar oğlu müxtəlif dərəcəli bədən xəsarətləri alıb.

Əldə etdiyimiz məlumata görə, qeyd olunan yolda müşahidə olunan qatı dumana görə daha 7 avtomobil bir-birinə çırpılaraq qəza törədiblər. Həmin qəzada isə ölən və ya yaralanan olmayıb.

Xatırladaq ki, Baş Dövlət Yol Polisi İdarəsi ötən gün hava şəraiti ilə bağlı sürücülərə müraciət edərək, ehtiyatlı olmaları və sürət həddini hava şəraitinə uyğun təyin etməyi tövsiyə edib.

***

Saat: 11:17

Bakı-Quba yolunda ağır yol-nəqliyyat hadisəsi olub.

Lent.az xəbər verir ki, qəza zamanı iki yük avtomobili bir-birinə çırpılıb. Məlumata görə, qəzaya səbəb qeyd olunan yolda qatı duman olmasıdır.

Qəza nəticəsində ölən və yaralananlar barədə dəqiq məlumat yoxdur.

Görüntüləri təqdim edirik: