"Bazarstore"dakı yanğın söndürüldü - YENİLƏNİB - VİDEO

"Bazarstore" mağazası yaxınlığındakı yanğın söndürülüb.

Lent.az xəbər verir ki, bu barədə Fövqəladə Hallar Nazirliyi məlumat yayıb.

Məlumatda bildirilir ki, Bakı şəhəri, Binəqədi rayonu, Naxçıvani küçəsində yerləşən çoxmərtəbəli yaşayış binasının 1-ci mərtəbəsində fəaliyyət göstərən "Bazar Store" supermarketinə aid 10 ədəd kondisioner, 1 ədəd reklam lövhəsi və müşahidə kamerası yanıb. Bina və yaxınlıqdakı qurğular yanğından mühafizə olunub. Yanğın yanğından mühafizə bölmələri tərəfindən söndürülüb.

***

Saat: 15:38

Bakının Binəqədi rayonunda yanğın olub.

Lent.az-ın məlumatına görə, hadisə 8-ci mikrorayon ərazisində yerləşən “Bazarstore” mağazasının qarşısında baş verib.

Mağazanın mətbuat katibi Mahir Həsənov Lent.az-a bildirib ki, yanğın mağazadan çöldə, tullantılar olan ərazidə meydana gəlib. Yanğın nəticəsində mağazaya ciddi zərər dəyməyib. Onun sözlərinə görə, hər hansı insan tələfatı və ya xəsarət alan yoxdur.

Mağaza təmsilçisi həmçinin deyib ki, bundan əvvəl oxşar hadisə Yasamal rayon filialında qeydə alınıb.

Yanğın baş verən ərazidən görüntüləri təqdim edirik: