Teatrımızın "Qaraca qız"ı vəfat etdi - Məsumə Babayeva kimdir?

Xəbər verdiyimiz kimi, tanınmış aktrisa Məsumə Babayeva bu gün axşam saatlarında vəfat edib.

Lent.az-ın “Bioqrafiya” rubrikasınada mərhum sənətçi haqqında məlumat verir.

Məsumə Babayeva kimdir?

- O, tanınmış azərbaycanlı aktrisa və uzunmüddətli teatr sənətkarıdır.

Məsumə Babayeva nə vaxt və harada anadan olub?

- Məsumə Mustafa qızı Babayeva 23 sentyabr 1951-ci ildə Bakıda anadan olub.

Məsumə Babayeva harada təhsil alıb?

- Məsumə Babayeva Azərbaycan Dövlət İncəsənət İnstitutunun (keçmiş Dram və kino aktyorluğu fakültəsi) məzunudur.

Mərhum akrtisa nə vaxt teatra gəlib?

- Təhsil aldığı illərdə Azərbaycan Dövlət Akademik Milli Dram Teatrında uşaq rollarında da çıxış edərək teatra erkən addım atıb.

Məsumə Babayeva nə vaxtdan Gənc Tamaşaçılar Teatrında çalışıb?

- 1972-ci ildə institutu bitirdikdən sonra o, Gənc Tamaşaçılar Teatrına təyinatla göndərilib və uzun illərdir bu teatrın əsas aktrisası kimi fəaliyyət göstərib.

Məsumə Babayevanın hansı məşhur rolları var?

- Teatr səhnəsində 100-dən çox müxtəlif obraz yaradıb. Onun ifalarında “Aycan”, “Qaraca qız”, “Kiçik Ramo”, “Sadıq” və digər yadda qalan rollar yer alıb.

Məsumə Babayeva hansı televiziya layihələrində çəkilib?

- Məsumə Babayeva həmçinin televiziya tamaşalarında da rol alıb, o cümlədən “Ürək rahatlıq sevmir” və “Deyin, Həyat haradadır?” kimi televiziya layihələrində çəkilib.

Aktrisa hansı medallara layiq görülüb?

- Onun sənət fəaliyyətinə verilən dəyər nəticəsində Məsumə Babayeva “Sənətkar” medalı, “Tərəqqi” medalı və “Fəxri mədəniyyət işçisi” döş nişanı kimi dövlət mükafatları ilə təltif olunub.

Məsumə Babayeva nə vaxt dünyasını dəyişib?

- Məsumə Babayeva 2026-cı il yanvarın 24-ü uzun sürən xəstəlikdən vəfat edib.