Alt paltarları necə yuyulmalıdır? - MƏSLƏHƏT

Gigiyena həyatımızda çox vacibdir. Uşaqlıqdan bizə yeməkdən əvvəl əllərimizi yumağı, çirkli barmaqları ağzımıza soxmamağı, müntəzəm olaraq yataq dəstini dəyişməyi və hər istifadədən sonra əşyaları yumağı öyrədirlər. Lakin gigiyena mütəxəssisləri bunun kifayət etmədiyini deyirlər.

Lent.az-ın məlumatına görə, həkimlər təmizlik üçün alt paltarlarını ən azı 60 dərəcədə yumağı məsləhət görür.

Əks halda, çoxlu bakteriya parça üzərində qala və sağlamlığınıza zərər verə bilər.

Aşağı temperaturda yuyarkən alt paltarları mətbəx dəsmalları ilə birləşdirməyin.

İmmunoloqlar bu fikri dəstəkləyir və qeyd edirlər ki, hətta 60 dərəcə temperatur bakteriyaları tamamilə məhv etmək üçün kifayət etməyə bilər. Əgər alt paltarınız yüksək temperaturlara dözə bilmirsə, mümkün problemlərin qarşısını almaq üçün xüsusi çamaşır dezinfeksiyaedici vasitələrdən istifadə edin.

Ciddi qaydalar olmasa da, bakteriyaların çoxalmasına səbəb olan tər və ölü dərinin yığılmaması üçün cins şalvarları 4-5, büstqalterləri 2-3, pijamaları həftədə iki dəfə yumaq məsləhət görülür.

Neylon parçalarda maya və bakteriyalar böyüyə bilər ki, bu da sızanaqlara, dərinin qıcıqlanmasına, sidik və göbələk infeksiyalarına səbəb ola bilər. Buna görə də ekspertlər corablarınızı hər gün yaxalamağı məsləhət görürlər.