Aktrisa: «Müsəlmanların məsumluğu»nda yalan qurbanıyam»

Lent.az-ın «Associated Press»-ə istinadən məlumatına görə, o, buna məhkəmə yolu ilə nail olmaq niyyətindədir. Ona görə də Qarsia artıq Los-Ancelos məhkəməsinə müraciət edib.

Aktrisa bildirib ki, filmin yaradıcı heyəti tərəfindən «yalan qurbanı» olub. Son anadək o, Məhəmməd peyğəmbərin təhqir edilməsinə inanmayıb. Onun sözlərinə görə, ssenaridə heç islam peyğəmbərinin adı belə çəkilməyib.

Qarsia onu da bildirib ki, film ictimaiyyətin diqqətini cəlb etdikdən sonra o, hədələnib. Bundan başqa aktrisa peşəkar fəaliyyətinə də zərbə dəydiyini etiraf edib.

O, filmin məsulu Nakulu Besslin məsuliyyətə cəlb olunmasını və bu lentin «You Tube»-dən yığışdırılmasını istəyir.

Aktrisanın maraqlarını müdafiə edən vəkil Kris Armenta deyib:«Bu iddianın gərçəkləşəcəyinə inanmıram. Çünki ABŞ-ın Ana Yasasına əsasən, amerikalıların düşünmək haqqı var. Biz sadəcə olaraq, təhqiredici materialın internetdən yığışdırılmasını xahiş edə bilərik»
«Google» və «YouTube» hələ aktrisanın müraciətini cavablandırmayıb.
Sədrəddin Soltan