Almaniyada rusiyalı casuslar ifşa olunub

Lent.az-ın «BBC»-yə istinadən məlumatına görə, onlar ötən il həbs edilsələr də rəsmi ittiham iki həftə öncə irəli sürülüb.

Aparılmış araşdırmaya əsasən, Rusiya Xarici Kəşfiyyat Xidmətinə işləyən Andreasu və Xaydrun Anşlaq 1980-ci illərin sonlarında Almaniyaya gəliblər. şəxslər

Onlar həmin vaxt özlərini əslən Cənubi Amerikadan olan avstriyalı kimi qələmə veriblər.

Məlumatlara görə, onlar Rusiyaya hərbi-siyasət barədə materiallar ötürürmüş. Son illərdə isə Niderland Xarici İşlər Nazirliyində işləmiş agentlə əməkdaşlıq edirmişlər.

Həmin agent isə onlara NATO və Avropa Birliyi barədə məxfi sənədlər ötürürmüş.

Məsələyə dair başqa məqamlar açıqlanmayıb. Rusiya Xarici Kəşfiyyat Xidməti də bu olaya münasibət bildirməyib.