Alman məhkəməsi namaza icazə vermədi

Berlinin Brandenburq Ali Məhəkməsi Veddinq ərazisindəki “Dyeterveq-Gimnazium” adlı məktəbdə təhsil alan Yunus M.-in məktəbdə dərslərarası tənəffüs zamanı namaz qıla bilməsinə icazə verən Berlin İdarə Məhkəməsinin qərarını ləğv edib. Lent.az-ın xəbərinə görə, bu barədə Anadolu Agentliyi məlumat yayıb.
Belə ki, Ali Məhkəmə ailə haqları və məktəbin bitərəf olması barədə Konstitusiya haqlarının qorunması vəziyyətində məktəbdə dini azadlığın məhdudlaşdırıla biləcəyinə qərar verib.
Birinci instansiya məhkəməsinin qərarına etiraz edən Berlin Təhsil Nazirliyinin bir vəkili Yunus M.-in namaz qılması üçün ona ayrılan otaqdan çox az istifadə etdiyini, məktəbdəki digər din məshəblərə inanan şagirdlər arasında problem çıxa biləcəyini, bundan sonra gərək digərləri üçün otaq ayırmaq lazım ola biləcəyini, bunun isə mümkün olmadığını deyib.
Yunus M. Məhkəmədə verdiyi ifadəsində əvvəlki instansiya məhkəməsinin özü üçün ayrılmış otaqda namaz qılmaq istədiyini, lakin həmin otağı açmalı olan müəllimləri tapmadığını bildirib. O həmçinin vurğulayıb ki, məktəbdə namaz qılması mövzusunda digər məktəblilərlə heç bir problemi olmayıb.
Yunus M-in vəeili Bülent Yaşar da onun dediklərini təsdiqləyərək bildirib ki, məktəbdə bu mövzuda şagirdlər arasında heç bir problem yoxdur. O, Yunus M.-ə dərs vaxtı gündə yalnız bir dəfə namaz qılmağa icazə verilməsinin lazım olduğunu deyib.
Məhkəmənin ardınca vəkil deyib ki, məhkəmə qərarını yazılı şəkildə aldıqdan sonra bu mövzu ilə bağlı açıqlama verəcək.
Yunus M.-in, məhkəmənin qərarından Federal İdarə Məhkəməsinə etiraz etmək haqqı var.