Almaniya və İtaliya kimi ölkələrin və avtomobil sektorunun təzyiqi altında olan Avropa Birliyi (AB), əvvəllər 2035-ci il üçün müəyyən edilmiş daxili yanma mühərrikli yeni avtomobillərin satışına qoyulan qadağanı yumşaltmağa hazırlaşır.
Lent.az xəbər verir ki, Avropa Komissiyası yeni avtomobillər üçün emissiya qaydalarında dəyişiklikləri özündə birləşdirən "avtomobil paketi" adlı tənzimləyici təklifi ictimaiyyətlə bölüşüb.
Paketə əsasən, avtomobillər və yüngül kommersiya nəqliyyat vasitələri üçün hədəf kimi göstərilən karbon emissiyası standartları gələcəkdə dəyişdiriləcək.
Avtomobil istehsalçılarının 2035-ci ildən etibarən işlənmiş qaz emissiyalarını 100% azaltmaq hədəfi 90%-lə yenilənəcək.
Emissiyaların qalan 10%-i AB-də istehsal olunan aşağı karbonlu polad, elektron yanacaqlar və bioyanacaqların istifadəsi ilə kompensasiya edilə bilər.
Beləliklə, 2035-ci ildən etibarən qüvvədə olan daxili yanma mühərrikli yeni avtomobillərin satışına qoyulan AB-nin qadağası yumşaldılacaq.
2035-ci ildən sonra AB ölkələrində “plug-in” hibridlərinin, diapazon genişləndiricilərinin və daxili yanma mühərrikli yumşaq hibridlərin satışına icazə veriləcək.
Bundan əlavə, Avropa bazarına daha kiçik elektrik modellərinin çıxarılması təşviq ediləcək.
Bundan başqa Avropada batareya sənayesini dəstəkləmək üçün sektora 1,5 milyard avro faizsiz kreditlər veriləcək.
Qeyd edək ki, AB-nin iqlim hədəfinə uyğun olaraq yeni avtomobillər üçün sərt karbon emissiyası standartlarını tətbiq edəcək qanun 2023-cü ildə Avropa Parlamenti tərəfindən qəbul edilib.
Qanunda 2035-ci ildən etibarən AB üzv ölkələrində satılan bütün yeni avtomobillərin və yüngül kommersiya nəqliyyat vasitələrinin sıfır emissiyalı olması tələb olunurdu.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
