Baş nazir fotolara görə oğlunu işdən qovdu

Yaponiyanın baş naziri Fumio Kişida oğlunu katiblik vəzifəsindən azad edib.

Lent.az xarici mediaya istinadən bildirir ki, buna səbəb onun oğlunun mətbuatda Kişidanın rəsmi iqamətgahındakı ziyafətdən mübahisəli fotoları yayması olub.

Keçən həftə Setaro Kişida və qohumlarının iqamətgahda şəkil çəkdirən görüntüləri ortaya çıxıb. Hökumət ilkin olaraq baş nazirin oğlunu davranışına görə danladığını bildirərək reaksiya verib.

Lakin Kişidə oğlunun bu hərəkətinin siyasi katibliyə uyğun olmadığını bəyan edib və onu vəzifəsindən azad edib. “Mən xalqın səsinə diqqətlə qulaq asaraq və təxirə salınması mümkün olmayan məsələlərin həllinə çalışaraq öz vəzifələrimi yerinə yetirəcəyəm”, - o, qərarını şərh edib.