İqtisadiyyat professoru Stefan Homburq sosial media hesabında Şimali Reyn-Vestfaliyada sentyabrda keçiriləcək yerli seçkilərdə namizədliyini irəli sürən "Almaniya üçün Alternativ" (AfD) partiyasından dörd namizədin son iki həftədə vəfat etdiyini bildirib.
Lent.az xarici mediaya istinadla bildirir ki, alimin sözlərinə görə, sözügedən namizədlər AfD-nin Blomberq, Reynberq, Şverte və Bad Lippsprinq şəhərlərindəki nümayəndələri olub. Ölən namizədlərin yaşları 59-71 arasındadır.
Forsa İnstitutunun keçirdiyi sorğulara əsasən "Almaniya üçün Alternativ" (AfD) son aylarda seçicilər arasında mövqeyini gücləndirərək 2025-ci ilin aprelindən bəri ilk dəfə populyarlıqda birinci yerə çıxıb. AfD-yə dəstəyin artması vətəndaşların kansler Fridrix Merzin siyasətindən narazılığı və hökumətin hərbi ritorikasının artması ilə əlaqələndirilib və bu, hakim koalisiyanın reytinqlərinin aşağı düşməsi ilə müşayiət olunub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
