Qışa hələ bir neçə ay qalsa da, təcrübəli səyahətçilər xüsusilə bayram dövrü üçün səfər hazırlığına indidən başlayırlar.
Lent.az xəbər verir ki, “Lonely Planet” ekspertləri qarşıdakı qış mövsümündə Avropada ziyarət üçün ən yaxşı istiqamətlərin siyahısını açıqlayıblar.
Ekspertlərin sözlərinə görə, qış aylarında Avropanın böyük hissəsində hava soyuq olsa da, səyahət üçün çoxsaylı imkanlar yaranır. İstəyənlər Laplandiyada qarla örtülmüş mənzərələr fonunda şimal işıqlarını izləyə, daha isti hava axtaranlar isə Kanar adalarındakı Fuerteventura çimərliklərinə üz tuta bilərlər.
Mütəxəssislər xüsusilə yanvar-fevral aylarını əhatə edən aşağı turizm mövsümündə səyahət etməyi tövsiyə edirlər. Bu dövrdə Avropanın ən məşhur məkanlarını turist sıxlığı olmadan gəzmək mümkündür.
Qışda Avropada ziyarət üçün ən yaxşı yerlər
Kappadokiya, Türkiyə – qarla örtülmüş qeyri-adi mənzərələr və yeraltı şəhərləri kəşf etmək üçün.
Fuerteventura, Kanar adaları, İspaniya – qışda çimərlik istirahəti üçün.
Eryri, Uels – qış idman növləri və təbiət mənzərələri üçün.
Bilbao, İspaniya – incəsənət və yerli mətbəx həvəskarları üçün.
Madeyra, Portuqaliya – mülayim havada aktiv təbiət istirahəti üçün.
Fransız Rivyerası, Fransa – mövsümdənkənar dəbdəbəli və sakit istirahət üçün.
Bavariya Alpları, Almaniya – qarla örtülmüş nağılvari qalaları görmək üçün.
Santorini, Yunanıstan – turist izdihamı olmadan məşhur Yunanıstan adasını gəzmək üçün.
Alenteju, Portuqaliya – şərab turizmini sevənlər üçün.
Lion, Fransa – yerli mətbəx və qastronomiya həvəskarları üçün.
Çinkve-Terre, İtaliya – turist sıxlığından uzaq sakit İtaliya səfəri üçün.
Budapeşt, Macarıstan – termal vannalar və isti su mənbələrində dincəlmək üçün.
Laplandiya, Finlandiya – şimal işıqlarını izləmək və əsl qış atmosferini yaşamaq üçün.
Ekspertlər hesab edirlər ki, qışda səyahət daha sakit atmosfer, az turist və bir sıra məşhur istiqamətləri fərqli mövsümdə görmək imkanı yaradır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
