Meyvə və tərəvəzlər 60 il əvvəllə müqayisədə xeyli az miqdarda faydalı qida maddələri ehtiva edə bilər. Yeni araşdırmaya görə, kənd təsərrüfatı məhsullarında bir sıra mühüm mineral və vitaminlərin miqdarı 20-50 faiz azalıb.
Lent.az xarici mediaya istinadən xəbər verir ki, tədqiqatçılar bunun əsas səbəblərindən biri kimi torpağın keyfiyyətinin pisləşməsini göstərirlər.
1960-cı illərdə başlayan və “Yaşıl inqilab” adlandırılan prosesdən sonra kənd təsərrüfatında dünya üzrə ərzaq istehsalı və taxıl məhsuldarlığı əhəmiyyətli dərəcədə artıb.
Lakin tədqiqatçıların fikrincə, bu dövrdə əsas diqqət məhsulların qida dəyərinə deyil, istehsalın həcminə yönəldilib.
Nəticədə alimlərin “gizli aclıq” adlandırdığı problem yaranıb. İnsan kifayət qədər kalori qəbul etsə də, orqanizmində vacib vitamin və mineralların çatışmazlığı müşahidə oluna bilər.
Tədqiqatçıların hesablamalarına görə, dünyada təxminən iki milyard insan bu cür qidalanma çatışmazlığından əziyyət çəkir.
Vəziyyəti yüksək dərəcədə sənaye emalından keçmiş qida məhsullarının geniş yayılması daha da ağırlaşdırır.
Belə məhsullar çox vaxt yüksək kalorili olsa da, orqanizmi kifayət qədər faydalı qida maddələri ilə təmin etmir.
Nəticədə “qeyri-kafi qidalanmanın üçqat yükü” adlandırılan vəziyyət yaranır. Bu zaman piylənmə mikroelement çatışmazlığı ilə eyni vaxtda müşahidə oluna bilir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
