Suriyanın yeni lideri Rusiyaya ŞƏRT QOYDU: "Bəşər Əsədi ver"

Rusiya Xarici İşlər Nazirliyinin nümayəndə heyəti Dəməşqə səfərinin təfərrüatları ortaya çıxıb.

Lent.az xarici mediaya istinadla bildirir ki, Rusiya Suriyanın yeni de-fakto lideri ilə ölkədəki iki hərbi bazasını saxlamaq üçün "açıq" müzakirələr aparıb.

Suriyadakı mənbələrdən biri isə “Reuters” agentliyinə bildirib ki, yeni lider Əhməd əl-Şara (Əl-Colani) Moskvadan dekabr ayında Şəra üsyançıları tərəfindən devrildikdən sonra Rusiyaya qaçan keçmiş Suriya prezidenti Bəşər Əsədi təhvil verməyi xahiş edib.

Həmçinin Suriya xəbər agentliyi “Sana”nın məlumatına görə, Dəməşq həm də ölkədəki vətəndaş müharibəsində Əsədi dəstəkləyən Rusiyanın “təzminat, yenidənqurma və bərpa kimi konkret tədbirlər” vasitəsilə etimadı bərpa etməsini istəyir.

Kremlin sözçüsü Dmitri Peskov Rusiyadan Əsədin geri qaytarılması və təzminat ödənilməsi tələb edilib-edilmədiyini təsdiqləmək üçün suala cavab verməkdən imtina edib.

Qoşunları və hava qüvvələri illərlə suriyalı üsyançılara qarşı Əsədə dəstək verən Rusiya, Latakiya liman şəhəri yaxınlığındakı Tartus və Hmeymim hərbi-dəniz bazasını saxlamağa çalışır. Onları itirmək onun regionda güc nümayiş etdirmək qabiliyyətinə ciddi zərbə vuracaq.