Türkiyədən İraqa gedən avtobus qəzaya uğradı: 40 yaralı var

Türkiyədə İstanbuldan İraqa gedən sərnişin avtobusunun qəzaya uğraması nəticəsində 40 nəfər xəsarət alıb.

Lent.az xəbər verir ki, bu barədə DHA agentliyi məlumat yayıb.

Qəza Türkiyənin mərkəzində yerləşən Ankara–Niğdə avtomobil yolunun Aksaray şəhəri yaxınlığındakı hissəsində baş verib.

İlkin məlumata görə, sürücü idarəetməni itirib, nəticədə avtobus yoldan çıxaraq aşıb. Avtobusda olan 37 sərnişin, 2 sürücü və bələdçi müxtəlif xəsarətlərlə Aksaraydakı xəstəxanalara çatdırılıb.

Yaralananlar arasında uşaqların da olduğu bildirilir.