Xəbərə video əlavə edilib.
***
17:53
Ukraynanın Baş naziri Yuliya Sviridenko 7 sentyabrda Rusiya hücumundan sonra hökumət binasının hazırkı vəziyyətini nümayiş etdirib.
Lent.az xəbər verir ki, bu barədə o, Facebook səhifəsində yazıb.
Onun sözlərinə görə, atəş nəticəsində Nazirlər Kabinetində heç kim xəsarət almayıb.
“Tammiqyaslı işğalın başlanmasından ilk dəfə olaraq ruslar bütün komandamızın çalışdığı Nazirlər Kabineti binasına zərbə endirdilər. Xoşbəxtlikdən, heç kim zərər görməyib. Yanğın söndürüldü. Xilasedicilərə təşəkkür edirəm. Rusiya terroru Hökumətin işini dayandırmayacaq. Dağıntıları bərpa edəcəyik. Amma ukraynalıların həyatını geri qaytarmaq mümkün deyil. Bu gecə ərzində ölkə boyu Rusiya atəşi nəticəsində dörd nəfər həlak olub, 44-dən çox insan yaralanıb. Aydındır ki, Rusiya sülh istəmir”, – o yazıb.
Sviridenko bütün Ukrayna tərəfdaşlarını və dünya ölkələrini Rusiyanın hərəkətlərinə olan məyusluğu Ukraynaya real yardıma çevirməyə çağırıb – “hökmət binası üçün yox, ölkəmizdəki insanlarımızın müdafiəsi üçün çağırış edirəm”.
“Artıq hərəkətə keçməyin vaxtıdır. Ukraynaya enerji infrastrukturunun müdafiəsi üçün daha çox hava hücumundan müdafiə sistemi lazımdır, xüsusilə də qış yaxınlaşarkən. Rusiyanın hərbi maşınına resursları azaltmaq üçün sanksiya təzyiqini gücləndirin. Bunların hamısı realdır – imkanlar sizin əlinizdədir. Yalnız bizim birliyimiz və güclü cavabımız Rusiyanı dayandıra və sülh gətirə bilər”, – Ukraynanın baş naziri əlavə edib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
