Azərbaycanlı hərbçinin əsir götürüldüyü rəsmən təsdiqləndi

Müdafiə Nazirliyi Azərbaycan Ordusunun kiçik çavuşu Roman Hüseynovun Ermənistan Silahlı Qüvvələri tərəfindən əsir götürülməsi faktını təsdiqləyib.

Müdafiə Nazirliyinin mətbuat xidmətinin rəis müavini Teymur Abdullayev APA-ya açıqlamasında deyib ki, Roman Hüseynovun hansı vəziyyətdə əsir götürülməsi araşdırılır: “Böyük ehtimalla o, yolu azdığından Ermənistan Silahlı Qüvvələri tərəfindən əsir götürülüb”.

Qeyd edək ki, erməni mətbuatı Azərbaycan Ordusunun kiçik çavuşu Roman Hüseynovun avqustun 27-də saat 21.00 radələrində cəbhənin şimal istiqamətində Ermənistan Silahlı Qüvvələri tərəfə keçdiyini açıqlayıb.