Gəncədə yarımstansiya yanıb

Nəticədə şəhərin bir hissəsi işıqsız qalıb

Gəncədə 10356 kilovatlıq yarımstansiyada yanğın baş verib. Gəncə Dövlət Yanğından Mühafizə İdarəsindən Lent.az-ın Gəncəbasar müxbirinə verilən məlumata görə, 1-ci yarım stansiyada 5 ədəd yağ açarını yararsız hala salan yanğın avqustun 11-də gecə saatlarında qeydə alınıb.

Yanğının qarşısı alınsa da, baza xətti üzrə Gəncənin bəzi əraziləri işıqsız qalıb. Hazırda təmir işləri aparılır.

Vüsalə Cənnətova