Bakıda keyfiyyətsiz bint istehsal edən sex aşkarlanıb

Rayon Polis İdarəsindən Lent.az-a verilən məlumata görə, Mətləb Cəfərov ölçüləri standarta uyğun olmayan keyfiyyətsiz, sterilizə olunmayan 3000 ədəd tibbi binti satarkən tutulub. M.Cəfərova məxsus sexə baxış zamanı 3 rulon tənzif, 2000 etiket və 4000 istehsal olunan bint aşkarlanıb.

Eyni zamanda tibbi ləvazimatların istehsalında istifadə olunan 4 dəzgah da müsadirə edilib.

Faktla əlaqədar cinayət işi başlanılıb.

İstintaq aparılır.