Şəmkirdə mikroavtobus aşdı: 1 ölü, 4 yaralı

Baş Dövlət Yol Polisi İdarəsindən (BDYPİ) Lent.az-a verilən məlumata görə, Bakı-Qazax magistralında hərəkət edən “Mercedes Transit” markalı mikroavtobus sürücünün idarəetməni itirməsi səbəbindən yoldan çıxaraq aşıb. Qəza nəticəsində mikroavtobusdakı sərnişinlərdən biri hadisə yerində keçinib. Sürücü və digər 3 nəfər isə ağır bədən xəsarətləri alaraq, Şəmkir rayon Mərkəzi Xəstəxanasına yerləşdirilib.

Hadisəyə səbəb kimi sürücünün idarəetməni itirməsi ilə yanaşı, yolun sürüşkən olması da göstərilir. Faktla bağlı BDYPİ-nin İstintaq İdarəsində araşdırma başlanılıb.

Nizam Rza