Yumurtanın qiymətinin artmasının səbəblərini araşdırmaq üçün iş qaldırılıb

İqtisadi İnkişaf Nazirliyindən APA-ECONOMİCS-ə verilən məlumata görə, toyuq yumurtasının qiymətinin artmasının səbəblərinin araşdırılması və süni qiymət artımının qarşısının alınması üçün Dövlət Xidməti tərəfindən antiinhisar qanunvericiliyinin tələblərinin pozulması əlamətləri üzrə iş qaldırılıb, araşdırmalar aparılır.

Antiinhisar Siyasəti və İstehlakçıların Hüquqlarının Müdafiəsi Dövlət Xidməti təsərrüfat subyektlərinə süni qiymət artımına yol vermiş şəxslərə qarşı qanunvericiliyə uyğun olaraq tədbirlər görüləcəyi barədə xəbərdarlıq edib.