Bakıda “VAZ 2107” xala-balanı vurdu

Sabunçu rayon Polis İdarəsindən Lent.az-a verilən məlumata görə, saat 20:30-da Bakıxanov qəsəbəsi ərazisində 10 CO 966 nömrə nişanlı “VAZ 2107” yolu keçməyə çalışan piyadaları vurub. Nəticədə piyadalar - 32 yaşlı Hacıyeva Naibə Ayaz qızı və 11 yaşlı Hüseynov Dünyamin Rafiq oğlu xəsarət alıb. Hər iki piyada təcili tibbi yardım maşını ilə xəstəxanaya aparılıb.

Faktla bağlı Sabunçu RPİ-də araşdırma aparılır.

Qeyd edək ki, zərərçəkənlər xala-baladır.

Nizam RZA