Tatlısəs xəstəxanadan çıxdı

İstanbulda məruz qaldığı hücum nəticəsində başından ağır yaralanan Türkiyənin məşhur müğənnisi İbrahim Tatlısəs 23 gün sonra müalicə aldığı Acıbadem Xəstəxanasından çıxıb.
Lent.az-ın “haberturk.com” saytına istinadən verdiyi məlumata görə, müğənni saat 5:00 radələrində təcili yardım maşını ilə Atatürk Hava Limanına gətirilib.
Təcili yardım maşınını çoxlu sayda rəsmi və polis maşını, o cümlədən KİV təmsilçiləri müşayiət edib. İbrahim Tatlısəs hava limanında Türkiyə Səhiyyə Nazirliyinə aid bir təyyarəyə yerləşdirilib. Təyyarə saat 06:00-da Almaniyaya hərəkət edib. İbrahim Tatlısəsin müalicəsinin Almaniyada davam etdiriləcəyi bildirilib.