Bakıda 26 yaşlı oğlan özünü öldürüb

Aprelin 6-da Bakıda intihar hadisəsi baş verib.

Yasamal rayon Prokurorluğundan Lent.az-a verilən məlumata görə Üzeyir Hacıbəyov küçəsində yaşayan 1985-ci il təvəllüdlü Hüseynov Orxan Əli oğlu çoxlu dərman içərək özünü öldürüb. 26 yaşlı oğlan ağır vəziyyətdə xəstəxanaya çatdırılsa da, onun həyatını xilas etmək mümkün olmayıb. O.Hüseynovun hansı səbəbdən canına qəsd etməsi məlum deyil.

Faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanılıb.

Nizam Rza