Suda boğulan 8 nəfər xilas edilib

İyunun 16-da günün müxtəlif saatlarında Fövqəladə Hallar Nazirliyinin dalğıc-xilasediciləri Xəzər dənizinin nəzarət olunan hissəsində boğulma təhlükəsi ilə üzləşmiş 6 nəfəri xilas edib.

Lent.az-ın nazirliyin saytına istinadən verdiyi məlumata görə, dənizin nəzarət olunmayan hissəsində 1 nəfər və Mingəçevir su anbarının nəzarət olunan hissəsində isə daha 1 nəfər çimərkən batma təhlükəsi ilə üzləşib. Həmin şəxslər də dalğıc-xilasediciləri tərəfindən xilas edilib.