Bakıda 26 yaşlı oğlan öldürülüb

İyunun 19-da Bakıda qətl hadisəsi baş verib. Səbail rayon Prokurorluğundan Lent.az-a verilən məlumata görə, saat 19:20 radələrində E.İsmayılov küçəsi 17 saylı evin qarşısında 1986-cı il təvəllüdlü Almuradov Eyvaz Yaqub oğlu 1985-ci ildə anadan olmuş Namazov Arzuman Mehralı oğlunu bıçaqlayıb.

E.Almuradov A.Namazovun ürəyinə bıçaqla bir zərbə endirib. Ürəyindən bıçaqlanan 26 yaşlı gənc hadisə yerindəcə ölüb.

Faktla bağlı Cinayət Məcəlləsinin 120.1-ci (qəsdən adamöldürmə) maddəsi ilə iş başlanılıb.

Nizam RZA