Rusiyadan Azərbaycana gələn avtobus qəzaya uğrayıb

Bu barədə APA-ya Baş Dövlət Yol Polisi İdarəsindən bildirilib.

Hadisə bu gün səhər saat 06.00 radələrində Şabran rayonu ərazisində qeydə alınıb. Kazan-Bakı istiqamətində hərəkət edən “Mercedes” markalı sərnişin avtobusu Şabran çayı üzərindən keçərkən qəzaya uğrayıb. Nəticədə avtobusda olan sərnişinlərdən 7 nəfər xəsarət alıb. Onlar Şabran Mərkəzi rayon Xəstəxanasına yerləşdiriliblər.

İlkin məlumata görə, qəzaya avtobusun təkərinin partlaması səbəb olub.

Faktla bağlı araşdırma aparılır.