Bakıda 31 yaşlı oğlanı ürəyindən vurub öldürdülər

Binəqədi rayon Polis İdarəsindən Lent.az-a verilən məlumata görə, 8-ci mikrorayonda Hüseynov küçəsi bina 11A, mənzil 91-in qarşısında, blokda naməlum şəxs 1980-ci il təvəllüdlü Vəlixanov Emil Şaban oğlunu bıçaqlayıb. Naməlum şəxs 31 yaşlı gəncin ürəyindən bıçaqla zərbə endirib.

E.Vəlixanov xəstəxanaya aparılarkən yolda ölüb. Hazırda hadisəni törədən şəxsin axtarışları davam etdirilir.

Faktla əlaqədar Cinayət Məcəlləsinin 120.1-ci (qəsdən adam öldürmə) maddəsi ilə iş başlanılıb.