Yol polisi Hacıqabul-Horadiz avtomobil yolunda baş verən qəza barədə məlumat yayıb.
Lent.az xəbər verir ki, Baş Dövlət Yol Polisi İdarəsindən APA-ya bildirilib ki, yolun 33-cü kilometrliyində “Hyundai Santa Fe” markalı avtomobilin aşması nəticəsində 5 nəfər xəsarət alıb. Onlardan 4-nə ilkin tibbi yardım göstərilib, 1 nəfərin isə xəstəxanada müalicəsi davam etdirilir.
Hadisəyə sürücünün idarəetməni itirməsi səbəb olub.
***
Saat: 11:15
Sabirabadda avtomobil aşıb.
Lent.az-ın APA-ya istinadən xəbərinə görə, hadisə Hacıqabul-Bəhərmtəpə magistralının Sabirabad rayonunun Qaratəpə kəndi ərazisindən keçən hissəsində baş verib. “Hyundai Santa Fe” markalı avtomobilin aşması nəticəsində sürücü və avtomobildə olan 7 sərnişin müxtəlif dərəcəli xəsarətləri alaraq Şirvan xəstəxanasına yerləşdirliblər.
Faktla bağlı Baş Dövlət Yol Polisi tərəfindən araşdırma aparılır.
