Londondan olan imama "qara sehr" təhdidi ilə təcavüz ittihamı üzrə hökm oxunub.
Lent.az-ın xarici mediaya istinadən məlumatına görə, Londonun Tauer-Hamlets rayonundan olan hörmətli imam, 54 yaşlı Əbdül Halim Xan, üç yeniyetmə qız da daxil olmaqla, yeddi qurbana qarşı bir sıra qəddar təcavüz və zorakılıqlarda məhkum edilib. O, cinsi cinayətləri 2004-2015-ci illər arasında törədib.
Xan dini lider kimi səlahiyyətlərindən sui-istifadə edərək qurbanlarını fövqəltəbii güclərinə inandırıb. O, onların cinlər - İslamın pis ruhları tərəfindən tutulduğunu iddia edib və qızları təcavüz edəcəyi təcrid olunmuş yerlərdə görüşlər müqabilində qorunma vəd edib.
Qurbanlarını qorxutmaq üçün onları "qara sehr"lə hədələyib və dostlarına və ya qohumlarına onun etdiklərini desələr, ailələrinə lənət oxuyacağına söz verib.
İstintaq 2017-ci ildə 12 yaşlı qurbanın müəlliminə etdiyi zorakılığı danışmasından sonra başlayıb. Detektivlər işin bir hissəsi olaraq 50-dən çox şahidi dindiriblər.
Xan qurbanları böhtanda ittiham edərək sona qədər günahını inkar edib, lakin məhkəmə heyəti onu günahkar bilib. Məhkəmə onunla bağlı son hökmü gələn ay verəcək.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
