34 yaşlı kişi 8-ci mərtəbədən yıxılıb öldü

Bakı şəhərinin Xətai rayonunda dəhşətli hadisə baş verib. Lent.az-ın məlumatına görə, metronun "Həzi Aslanov" stansiyasının yaxınlığında, Məhəmməd Hadi küçəsi, 107 A ünvanındakı çoxmərtəbəli binanın 8-ci mərtəbəsindən yıxılan şəxs hadisə yerindəcə keçinib.

İlkin Araşdırmalar nəticəsində ölən şəxsin Ucar rayon Təzə Şilyan kənd sakini Kərimov Elşad Hacıağa oğlu olması müəyyən edilib. Məlum olub ki, 34 yaşlı kişi həmin binada kirayə yaşayırmış. Onun hansı səbədən yıxılması və ya intihar etməsi araşdırılır.