Bu gün Bakıda intihara cəhd edən şəxs xilas edilib. Səbail rayon Polis İdarəsindən Lent.az-a verilən məlumata görə, rayon sakini 1992-ci il təvəllüdlü Əliyev Azər Nizaməddin oğlu Dənizkənarı Milli Parkın ərazisində özünü dənizə atıb. Fövqəladə Hallar Nazirliyinin dalğıc-xilasediciləri həmin şəxsi xilas edib.
Əvvəlcə xəstəxanaya aparılan gənc daha sonra 39-cu Polis Bölməsinə gətirilib. Onun hansı səbəbdən intihara cəhd etməsi məlum deyil. Araşdırmalar aparılır.