Diş həkiminə getdi: İl yarım ömrü qaldığını öyrəndi

Böyük Britaniyada kişi ağzındakı keyləşmə səbəbindən diş həkiminə müraciət edib və ölümcül diaqnoz qoyulub.

Lent.az xarici mediaya istinadən xəbər verir ki, həkimlər 31 yaşlı kişiyə aqressiv beyin şişi diaqnozu qoyub və ona 12-18 ay ömür veriblər.

Məlumata görə, Stretforddan olan keçmiş marketinq meneceri Ceymi Kiho əvvəlcə ağzındakı uyuşma və karıncalanmanı diş problemləri ilə əlaqələndirib. Lakin diş həkimi heç bir problem tapmayıb.

Tezliklə o, tarazlığını itirməyə, açarlarını yerə salmağa və itinin üstünə yıxılmağa başlayıb, bundan sonra həyat yoldaşı Hanna onu terapevt yanına getməyə razı salıb.

Jamie Kehoe with his wife, Hannah

"2024-cü ildə Salford Kral Xəstəxanasında aparılan müayinə nəticəsində Ceymidə beyin kötüyündə sürətlə böyüyən bədxassəli şiş olan IV mərhələ qlioblastoma aşkar edilib. Nadir genetik mutasiya və şişin təhlükəli yerləşməsi səbəbindən cərrahi yolla çıxarılması mümkün olmayıb", - açıqlamada bildirilir.

Proqnozu öyrənən cütlük 2024-cü ilin noyabr ayında evlənməyə tələsiblər və daha sonra süni mayalanma sayəsində Elliot adlı oğulları dünyaya gəlib. Kişi altı həftəlik şüa terapiyası keçib və yeni bir dərman sınağında iştirak edib ki, bu da ona müvəqqəti olaraq şişi kiçiltməyə və normal həyata qayıtmağa imkan verib.

"Lakin oğlu dünyaya gələnə qədər əlamətlər geri qayıdıb və təkrar müayinə zamanı şiş böyüməsi aşkarlanıb. Kişi ikinci kurs şüa terapiyasından keçib və nəticədə görmə və dadbilmənin qismən itirilməsi ilə nəticələnib", - məlumatda vurğulanır.

Hazırda nitq qüsurlu olan Ceymi ölümcül xərçənglə yaşamaq haqqında şeirlər yazır və beyin şişi tədqiqatları üçün vəsait toplamaq məqsədilə bir kolleksiya buraxmağı planlaşdırır.