Bu gün Bakı şəhərinin Sabunçu rayonu ərazisində avtobusda baş vermiş yanğın söndürülüb. Lent.az-ın əldə etdiyi məlumata görə, Bakı-Tiflis xətti üzrə hərəkət edən avtobus qəfil yanmağa başlayıb. hadisə vaxtı avtobusda olan sürücü 1966-cı il təvəllüdlü Təyyar Hümbətov və onun köməkçisi, Gürcüstan Respublikası vətəndaşı, Bolnisi rayonunun Faxralı kəndinin sakini 56 yaşlı Qasılmov Vidadi Sədrəddin oğlu ağır xəsarətlər alıb. Hər iki şəxs xəstəxanaya yerləşdirilib.
"Mercedes" markalı, 46 sərnişin tutumlu avtobusun əksər hissələri tamamilə yanaraq istifadəyə yarasız vəziyyətə düşüb. Hadisə yerinə gəlmiş yanğınsöndürənlər alovun avtobusun yanacaq çəninə keçməsinin və yanğının miqyasının da artmasının qarşısını alıb.
****
11.01
Bu gün Bakı şəhərinin Sabunçu rayonu ərazisində yanğın hadisəsi baş verib. Sabunçu rayon dövlət Yanğından Mühafizə Xidmətindən Lent.az-a verilən məlumata görə, Bakıxanov qəsəbəsində, Sülh küçəsində yerləşən Sabunçu rayon İcra Hakimiyyətinin qarşısında ikimərtəbəli avtobus yanır. Hadisə yerinə 2 yanğınsöndürmə briqadası cəlb edilib.
Yanğının digər nəqliyyat vasitələrinə keçməsinin qarşısı alınıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
