Azərbaycan pasportunu saxtalaşdıran Gürcüstan vətəndaşı tutuldu

Bakıda saxta sənəd hazırlayan xarici vətəndaş tutulub. Lent.az-ın Daxili İşlər Nazirliyinin saytına istinadən məlumatına görə, Baş Mütəşəkkil Cinayətkarlıqla Mübarizə İdarəsi və Baş Pasport, Qeydiyyat və Miqrasiya İdarəsi əməkdaşlarının həyata keçirdikləri əməliyyat tədbirləri nəticəsində Gürcüstan vətəndaşı saxlanılıb. Samir Orucovun AR vətəndaşının şəxsiyyət vəsiqəsini və ümumvətəndaş pasportunu saxtalaşdırması və istifadə etməsi müəyyən edilib. Onun barəsində Cinayət Məcəlləsinin 320-ci maddəsi ilə cinayət işi başlanıb.