Azərbaycan millisinin heyəti Foqtssuz açıqlandı

Lent.az-ın AFFA-nın rəsmi saytına istinadən verdiyi məlumata görə, hazırda ölkə xaricində olan yığmamızın baş məşqçisi Berti Foqts Bakıya qayıtmadan və qarşıdakı turu gözləmədən toplanışa çağırılan oyunçuların adlarının açıqlanmasını məqsədəuyğun sayıb.

Hazırlıq prosesinə 26 futbolçu - 4 qapıçı, 8 müdafiəçi, 10 yarımmüdafiəçi, 4 hücumçu dəvət olunub.

Qapıçılar: Kamran Ağayev (“Xəzər Lənkəran”), Fərhad Vəliyev (“Qarabağ”), Səlahət Ağayev (“İnter”), Aqil Məmmədov (“Bakı”)

Müdafiəçilər: Elnur Allahverdiyev, Maksim Medvedev (hər ikisi “Qarabağ”), Nodar Məmmədov, Saşa Yunisoğlu (hər ikisi “Qəbələ”), Rail Məlikov, Ruslan Abışov (hər ikisi “Neftçi”), Volodimir Levin (“İnter”), Vurğun Hüseynov (“Turan”)

Yarımmüdafiəçilər: Elvin Məmmədov, Rəşad Sadiqov, Samir Abasov (hər üçü “Qarabağ”), Cavid Hüseynov, Araz Abdullayev, Amit Quluzadə (hər üçü “Neftçi”), Əziz Quliyev, Fabio Luis Ramin (hər ikisi “Bakı”), Rahid Əmirquliyev (“Xəzər Lənkəran”), Aleksandr Çertoqanov (“İnter”)

Hücumçular: Vüqar Nadirov, Rauf Əliyev (hər ikisi “Qarabağ”), Vaqif Cavadov (“Bakı”), Fərid Quliyev (“Neftçi”)

Qeyd edək ki, millimizin oktyabrın 8-də səfərdə Avstriya, bundan 4 gün sonra isə evdə Türkiyə yığmaları ilə keçirəcəyi 2012-ci il Avropa çempionatının seçmə qrup matçlarına hazırlıq xarakterli təlim-məşq toplantısı Bakıda təşkil olunacaq.